España é un dos países que peores
resultados ten nas catro destrezas da lingua. Estes datos vense
reflexados nas gráficas que o Estudo europeo de competencialingüística do 2011 levou a cabo con 14 países europeos: Bélxica,
Bulgaria, Croacia, Eslovenia, España, Estonia, Francia, Grecia,
Holanda, Malta, Polonia, Portugal, Reino Unido (Inglaterra) e Suecia.
Ademais, as tres comunidades lingüísticas de Bélxica, a alemá, a
flamenca e a francesa (Bélxica Al., Bélxica Fla. e Bélxica Fr.),
participaron de forma independiente.
España está sempre cara
abaixo a pesar de 2 feitos: a introdución máis cedo dunha lingua
estranxeira con respecto a outros países da súa contorna e ao
limitado número de linguas estranxeiras obligatorias que se estudan.
En comparación cos outros países europeos isto debería axudarnos,
pero non o fai. Por que? O problema reside, polo tanto, na calidade
da ensinanza e nos métodos conductivistas e arcaicos que aínda se
seguen levando a cabo. Isto é o que determina tamén que teñamos
mellores notas na comprensión escrita que no resto das destrezas en
comparación co resto.
No caso contrario, temos a Finlandia que ao igual que Suecia encabezan os resultados PISA. O último
estudo que data do 2012 califica a este país xunto con Shanghái-China,
Hong Kong-China, Singapur e Xapón entre os mellores do mundo en
ciencias. O éxito reside nunhas clases con menor número de
alumnado, con profesores de apoio na propia aula e descansos máis continuados ao longo da xornada lectiva. Todo isto propicia,
polo tanto, un baixo porcentaxe de fracaso escolar.
Alén diso, a profesión do/a docente
está mellor valorada pois, só un baixo porcentaxe dos alumnos que
estudan esta carreira chegan á impartir aulas. Só son os que mellor
formados e capacitados están os que poden ensinar en Finlandia. Pola
contra, en España maxisterio ten unha nota de corte moi baixa e o
requisito fundamental son unhas oposicións nas que só se valoran
fundamentalmente os coñecementos memorísticos.
Tamén cabe destacar a implicación dos
pais co sistema educativo e as facilidades laborais que se aplican no
sistema educativo finlandés. O pai é libre de asistir ás aulas dos
seus fillos para ver que se está a levar a cabo grazas aos seus
impostos. Ademais, as titorías son moito máis habituais do que o é
en España, tanto polas facilidades laborais das que falei
anteriormente como pola forma de pensar da sociedade finlandesa.
Outro aspecto a destacar é a
gratuidade do comedor e do material escolar, así como a aposta por
unha ensinanza pública na súa maioría (un 96%). Deste xeito temos
o ambiente propicio para que a ensinanza resulte. Temos os medios, os
mellores docentes e a implicación da sociedade.
Segundo o meu punto de vista, se
comparamos este sistema con España poderíamos adoptar varias destas
medidas entre as cales escollín varias: o endurecemento das probas
de profesorado para convertir esta profesión nunha profesión de
prestixio, a implicación dos pais na educación dos seus fillos a
través de facilidades para asistir ás titorías, a redución do
número de alumnos por aula e o aumento de profesores de apoio na
propia aula. Se ademais engadimos que a educación sexa pública na
súa maioría, con gratuidade de material e comedores, poderíamos
convertir a España nunha Finlandia a longo prazo.
No hay comentarios:
Publicar un comentario